Tips for You : Free Internet for Ethiopian Higher Education Students and Instructors

የከፍተኛ ትምህርትና ሥልጠና ተማሪዎች እና መምህራን ያለክፍያ በዲጂታል ላይብራሪ እንዲጠቀሙ ተወሰነ
******************

የከፍተኛ ትምህርትና ሥልጠና ተማሪዎች እና መምህራን ያለክፍያ በዲጂታል ላይብራሪ እንዲጠቀሙ መወሰኑን የሳይንስና ከፍተኛ ትምህርት ሚኒስቴር አስታወቀ።

የኮቪድ-19 ወደ አገራችን መግባቱን ተከትሎ የከፍተኛ ትምህርት እና ሥልጠና (የዩኒቨርስቲዎች እና ቴክኒክ እና ሙያ ትምህርትና ሥልጠና) መቋረጡ እና ትምህርትን በቴክኖሎጂ አስደግፎ በኦንላይን የማስቀጠል ሥራ እየተሠራ ይገኛል።

የሳይንስና ከፍተኛ ትምህርት ሚኒስቴር ትምህርትን በኦንላይን ሲያቀርብ የተማሪዎችን ኢኮኖሚያዊ አቅም በመገንዘብ በነፃ መጠቀም ለማስቻል ከኢትዮ-ቴሌኮም ጋር በተሠራው ሥራ ከዛሬ ጀምሮ ሚኒስቴር መሥሪያ ቤቱ ያዘጋጀውን የዲጂታል ላይብራሪ ተማሪዎች እና መምህራን ገብተው ሲጎበኙ ከከፍያ ነፃ ወይም ዜሮ ሬቲንግ እንዲሆን መወሰኑን የሳይንስና ከፍተኛ ትምህርት ሚኒስቴር ገልጿል።

የከፍተኛ ትምህርትና ሥልጠና ማኅበረሰቡ በ http://ndl.ethernet.edu.et/ ገብቶ የነፃ አገልግሎቱን ማግኘት እንደሚችል ጠቁሞ፣ ተማሪዎች እና መምህራን የኦንላይን መማር ማስተማር ሂደቱን በዚሁ አግባቡ እንድትቀጥሉ አሳስቧል።

የሳይንስና ከፍተኛ ትምህርት ሚኒስቴር ኢትዮ-ቴሌኮም ላደረገው ከፍተኛ ድጋፍ ምስጋናውን አቅርቧል።

Source: EBC
Posted by haven 01/06/2020 02:51 PM Comments
 

Archives