Ethiopian Real Flag

Which one is Ethiopian real flag? [Green, Yellow, Red without star] Vs. [Green, Yellow, Red with star]! But which one is the “REAL” Ethiopian flag? What does “real” mean? The meaning of “real” from Oxford dictionary:

  1. actually existing as a thing or occurring in fact; not imagined or supposed.
  2. (of a thing) not imitation or artificial; genuine.

እዉነተኛው የኢትዮጵያ ባንዲራ የትኛው ነው? ባለ ኮኮቡ ወይስ ኮኮብ የሌለው?

ከላይ የመዝገበቃላቱን ፍች እንዳያችሁት እዉነተኛ ማለት በምድር ላይ ያለ እዉነት፣ ሃሳባዊ ያልሆነ፣ ቅጂ ያልሆነ ይላል። ባለኮኮቡ ባንዲራ ኮኮብ የሌለው (ልሙጡ) ባንዲራ ቅጅ መሆኑ ይታወቃል። ግን ይህንን ሃሳብ እንተወውና ወደ ዋናው መመዘኛ እንግባ።

ዘፋኙ “የጨነቀ ለት…” ብሏል! አዎ አንድ ነገር እዉነቱ የሚወጣው (የሚታወቀው) የጨነቀ ለት ነው። በጭንቅ ጊዜ ኮፒው ሳይሆን እዉነተኛው ብቅ ይላል። በነገራችን ላይ የሰውም እዉነተኛ ማንነት የሚታወቀም የቁርጥ ቀን ሲመጣ ነው። ለምሳሌ እወድሃለሁ የሚልህ ጓደኛ እውነት እንደሚወድህ የሚረጋገጠው በጭንቅህ ጊዜ፣ በችግርህ ጊዜ ከጎንህ የማይለይ ከሆነ ነው። እንጅማ በአፍ ብቻ እወድሃለሁ ማለትማ ቀላል ነው።

የባንዲራዉም ነገር ልክ እንደዚህ ነው። በሰላም ጊዜ “ህገወጥ” ነው ብለዉ የሚፈርጁት ባንዲራ ጭንቅ ቢመጣ (አያምጣዉና ጦርነት ቢመጣ) ብቅ አርገው በባንዲራው አምላክ ብለው ህዝቡን የሚለምኑት አሁን ህገወጥ በሚሉት ባንዲራ ነው። ለምን ቢባል በህዝቡ ልብ ዉስጥ ለዘላለም የታተመው እዉነተኛው ባንዲራ የቱ እንደሆነ ጠንቅቀው ስለሚያቁት ነው። ስለዚህ በጭንቅ/ጦርነት ጊዜ ህዝቡን ለመቀስቀስ እዉነተኛዉን ባንዲራ ይጠቀማሉ ሰላም ሲሆን ግን ህገወጥ ይሉታል፤ ሲፈልጉም ከህዝቡ ነጥቀው ይረግጡታል።

ከላይ ያወራሁት ተራ ዲስኩር አይደለም በተግባር የተፈተነ ታሪክ እንጅ! ለዚህም ማስረጃ ላቅርብ። በአድዋ ዘመቻ የኢትዮጵያ ህዝብ ከሸዋ፣ ጎንደር፣ ጎጃም፣ ሀረርጌ፣ እና ሌሎች አካባቢዎች አድዋ ድረስ በባዶ እግሩ ዘምቶ ከጣሊያን ጋር ገጥሞ ከፍተኛ መስዋዕትነትን ከፍሎ ድል ያደረገው በዚህ ዛሬ ህገወጥ በተባለው ባንዲራ ነው። እዚህ ላይ ሊነሳ የሚችለው ጥያቄ ያን ጊዜ ኮኮብ የሌለው ባንዲራ ህጋዊ የኢትዮጵያ ባንዲራ ስለነበረ ነው ዛሬ ግን ህጋዊ አይደለም የሚል ነው። እሽ ዛሬ ህጋዊ ባንዲራ ባለኮኮቡ ነው በተባለበት ዘመን የጭንቅ ግዜ የትኛዉን እንደተጠቀሙ በማስረጃ ላቅርብ።

በ1990 ዓ.ም ሃገራችን በኤርትራ በተወረረች ጊዜ (እንግዲህ በዚህ ጊዜ ህጋዊ ባንዲራው ባለ ኮኮቡ እንደሆነ ይታወቃል) ጭንቅ ሲመጣ፣ ጦርነት ሲመጣ በየወረዳዉና በየቀበሌው ኮኮብ የሌለዉን ባንዲራ አምጥተው ሃገራችን ተወረረች በባንዲራ አምላክ ብለው ወጣቱን ሲቀሰቅሱ አስታዉሳለሁ።

በኋላም በዚህ ባንዲራ አነሳሽነት በኢትዮጵያዉያን ጀግኖች መስዋዕትነት በዘመቻ ጸሃይ ግባት የባድሜን ከተማ በድል አድራጊነት ሰራዊታችን ሲቆጣጠር ባድሜ ላይ የተሰቀለው የኢትዮጵያ ባንዲራ አረንጓዴ-ቀይ-ቢጫ ባንዲራ ነበር። ግን የዚያን ጊዜ (1991) ህጋዊ ባንዲራ የተባለው ባለ ኮኮቡ ነበር። ግን እሱ በካድሬዎች ቢሮ ፊትለፊት ከመውለብለብ አልፎ ጦር ሜዳ ላይ አልተውለበለበም። ለዚህ ማስረጃ ቀጣዩን ዶክመንተሪ ቪዲዮ ማየት ይችላሉ።

እመኑኝ ነገም ቢሆን አያምጣዉና ጦርነት ቢመጣ ዛሬ ህገወጥ ነው ብለው የረገጡትን ልሙጡን ባንዲራ ይዘው በባንዲራ አምላክ ብለው እንደሚለምኑን አትጠራጠሩ።

Share this article:
Previous Post: Amharic Hero Music

October 5, 2019 - In Articles

Next Post: Tihtina Ethiopian Full Movie

October 14, 2019 - In Articles

Related Posts

Leave a Reply

Your email address will not be published.