Ye weyane SERA

Share This Topic:
  •  
  •  
  •  
  •  
  •  

Ye weyane SERA on Amhara People!

በአማራ ህዝብ ላይ የተሰራ የወያኔ ሴራ!

ወያኔ የአማራ ህዝብ ጠላት ነው ስንል በምክንያት ነው!

መቸም ቢሆን ወያኔ በአማራ ህዝብ ላይ የሰራዉን ሴራ ዘርዝሮ መናገር አይቻልም። አሁን ለጊዜው ግን በአማራ ህዝብ ታሪክ ላይ የሰራዉን ሴራ እንመልከት። ለፖለቲካ ፍጆታ ሲሆን አማራ ለብዙ አመታት ኢትዮጵያን ገዝቷል ጨቋኝ ነበር ይላል በታሪክ ትምህርት ላይ ግን በኢትዮጵያ ዉስጥ የአማራ መንግስት የሚባል ነገር እንደሌለ ተደርጎ የትምህርት ፖሊሲው ተቀርጾ አሁንም ድረስ እየተሰራበት ነው።

ይህ ከዚህ በታች የምታዩት ፎቶ በአማራ ክልል የ5ኛ ክፍል የህብረተሰብ ሳይንስ የመማሪያ መጽሃፍ ነው። እንደምታዩት በካርታው ላይ አንድም የአማራ መንግስታት አልተቀመጠም። የካርታው ስም “የኢትዮጵያ ጥንታዊ መንግስታት” የሚል ሆኖ ሳለ ካርታው ላይ ግን አንድም የአማራ ጥንታዊ መንግስታት የሉም። ለምሳሌ ጎንደር ላይ የፋሲል ቤተ መንግስት አሁንም ድረስ አሻራው ቆሞ ሳለ “ጎንደር የነገስታት አገር” እየተባለ የሚጠራዉም ቀርቶ ጭራሹን በዚህ ካርታ አልተጠቀሰም።

በጣም የሚገርመው በዚህ ካርታ ላይ የ ኮንሶ፣ ወላይታ፣ ሃድያ፣ ሲዳማ፣ ጌዲኦ፣ ጌራ፣ ከፋ እና ሌሎችም በርካታ የኢትዮጵያ ጥንታዊ መንግስታት ተብለው ሲዘረዘሩ አማራ ክልል ዉስጥ አንድም የጥንት መንግስት እንዳይኖር መደረጉ የአማራን ህዝብ ታሪክ ለማጥፋት አልሞ የተነሳ መሆኑን በግልጽ ያሳያል። ለዚያዉም ይህ የተዛባና የአማራን ታሪክ ለማጥፋት የተዘጋጀው መጽሃፍ ለራሱ ለአማራ ክልል ህዝብ መማሪያ እንዲሆን ነው የተደረገው።

መጽሃፉ በዚህ ብቻ አያበቃም – “በኢትዮጵያና በአፍሪካ ቀንድ አካባቢ የነበሩ ጥንታዊ መንግስታት ዝርዝር” ይልና ዝርዝሩን እንደሚከተለው ያስቀምጣል።

  1. ፑንት
  2. ዳኣማት
  3. አክሱም
  4. ዛግዌ
  5. የሙስሊም ስልጣኔቶች
  6. የዳሞት መንግስታት
  7. የወላይታ መንግስት
  8. የኢናርያ መንግስት
  9. የከፋ መንግስት



ትክክለኛው ታሪክ ግን ከዛግዌ ስርወ መንግስት ቀጥሎ የሰለሞናዊ ስርወ መንግስት ሲሆን ይህም የአማራ ነገስታት የነገሱበት ከ1270 – 1974 እ.ኤ.አ ነው። ይህም የአማራ ነገስታት ከ1 ንጉስ በስተቀር(ዓጼ ዮሃንስ 4ኛ) ለ704 ዓመት ኢትዮጵያን የመሩት የአማራ ነገስታት ናቸው። ENCYCLOPÆDIA BRITANNICA የተባለው የእንግሊዝ ኦንላይን ሚዲያ እንዲህ ይላል “All except one of the country’s emperors from 1270 to 1974 were Amhara.” ምንጭ

ብዙም ሩቅ ሳንሄድ ደሞ በኢትዮጵያ መንግስት ኦፊሺያል ድረ ገጽ ስለ ኢትዮጵያ ታሪክ እንዲህ ይላል። “የሸዋ አማራ ስረወ መንግስት (ከ13 እስከ 16ተኛው ክ/ዘመን) የመካከለኛው ዘመን የኢትዬጵያን ስልጣኔ ይወክላል፡፡” ምንጭ ሁለተኛው ገጽ።

ታዲያ እዉነታው ይሄ ሆኖ ሳለ ወያኔ ግን የአማራን ህዝብ ታሪክ ሙሉ በሙሉ ከኢትዮጵያ ታሪክ ላይ ፍቆታል/እንዲወገድ አድርጓል። እንዲወገድ ማድረግ ብቻ አይደለም ቀጣዩ ትዉልድ ይህንን ታሪክ አንዳያዉቅ በትምህርት ቤት ለዚያዉም በራሱ በአማራ ህዝብ ላይ ካሪኩለም ቀርጾ እየሰራ ነው።

ከሁሉም በላይ ያሳዘነኝ ነገር ቢኖር ግን የአማራ ክልል ምሁራን ምን እየሰሩ ነው? ይህንን ያህል የአማራ ህዝብን ታሪክ ከታሪክ አስወግዶ በት/ቤት ሲሰጥ እያዩና እዉነቱን እያወቁ እንዴት ዝም አሉ? እባካችሁ አሁንም የአማራ ህዝብ ጉዳይ ያገባኛል የሚል ሁሉ ይህንን ሼር ያድርግ። ምሁራኖቻችንም ሃላፊነታችሁን ተወጡልን።

ወያኔ የአማራ ህዝብ ጠላት ነው ስንል በምክንያት ነው!

Add a Comment

Your email address will not be published. Required fields are marked *